Одделението за јавни набавки е организациски облик во ЈП Водовод и канализација Скопје во чии рамки се вршат работи од областа на јавните набавки.

Согласно со член 80 од Законот за јавните набавки (“Службен весник на Република Македонија” бр.24/19), во Одделението за јавни набавки се вршат следниве работи:

- учество во подготовката на планот за јавни набавки,

- изготвување одлуката за јавна набавка,

- учество во изработката на тендерската документација,

- објавување на огласот за јавна набавка,

- советување на комисијата за јавна набавка при спроведување на постапката за доделување договор за јавна набавка,

- учествуво како член во комисијата кај постапките за доделување договор за јавна набавка со проценета вредност над 130.000 евра во денарска противвредност за стоки и услуги и над 5.000.000 евра во денарска противвредност за работи,

- подготвување на потребните акти врз основа на извештајот од спроведена постапка,

- ажурирање на податоците кои согласно со овој закон се доставуваат во ЕСЈН,

- објавување на негативна референца во ЕСЈН,

- давање насоки и упатства во врска со постапување во жалбената постапка во соработка со комисијата за јавни набавки,

- грижа за досиејата од спроведени постапки согласно со прописите за канцелариско и архивско работење и

- врши и други работи согласно со овој закон.

Вработените во Одделението за јавни набавки во своето работење постапуваат согласно со Кодексот на однесување при спроведување на јавните набавки.