Во текот на денешниот ден, учениците од трета година при гимназијата „Зеф Љуш Марку“ од Скопје реализираа едукативна посета во Секторот за санитарна контрола при ЈП Водовод и канализација – Скопје.
За време на посетата, учениците одблизу имаа можност, преку практични примери, да се запознаат со процесите на испитување и контрола на квалитетот и безбедноста на водата за пиење, кои се спроведуваат во хемиската и микробиолошката лабораторија на претпријатието.
Со ваквите активности, Секторот за санитарна контрола продолжува со реализација на едукативно-информативни средби наменети за деца и млади од различни возрасти, со цел да се поттикне свеста за значењето на континуираната контрола на квалитетот на водата за пиење во градот Скопје, како и следењето на состојбата на површинските, подземните и отпадните води, што се врши редовно секоја година.

---