Временски вентили за чешмичките за вода пиење
ЈП Водовод и канализација-Скопје за првпат оваа 2011 година купи 200 современи временски вентили за чешмичките за вода пиење и истите ги монтира на сите 120 чешмички кои се под надлежност на Претпријатието. Новите вентили функционираат со притискање на автоматско копче за временско користење на водата, а ги изработи фирмата Mario Cirino Pomicino од Италија. Вкупната вредност на временските вентили изнесуваше околу 626 000 денари. Целта на купувањето и монтирањето на ваков вид на вентили е во насока на рационално и наменско трошење на водата и давање пример како сите граѓани на Град Скопје треба да се однесуваат кон водата.